Page 1 - Vrystaat Hoofde | LOURENS PROKUREURS
P. 1
1
IN DIE HOË HOF VAN SUID-AFRIKA
BLOEMFONTEIN AFDELING, VRYSTAAT
SAAKNOMMER: 1261/2013
In die aansoek tussen
CORNELUS JOHANNES ALEXANDER LOURENS APPLIKANT
en
PREMIER VAN DIE VRYSTAAT PROVINSIE EERSTE RESPONDENT
PAN SUID-AFRIKAANSE TAALRAAD TWEEDE RESPONDENT
APPLIKANT SE HOOFDE VAN ARGUMENT
Namens die Applikant word die volgende argumente voor die Agbare Hof geplaas,
naamlik:
REGSHULP:
1.
Hierdie is ‘n aansoek van die Applikant om die Eerste Respondent, die Premier van
die Vrystaat, se opsetlike verontagsaming van hierdie Agbare Hof se bevel van 7
November 2013 te sanksioneer en versoek die Applikant die volgende regshulp in die
kennisgewing van mosie:
“1. Dat die Eerste Respondent in minagting van die agbare hof se bevel van 7
November 2013 bevind word; en
2. Dat die Eerste Respondent vir 90 dae ter gevangesetting weens hierdie
minagtende optrede verwys word; en
3. Dat koste op ‘n prokureur en eie kliënt-skaal teen die Eerste Respondent
persoonlik gelas word, alternatiewelik ampshalwe; en
4. Verdere en of alternatiewe regshulp.â€