Page 1 - CJA LOURENS - HOOFDE VAN BETOOG
P. 1
IN DIE HOOGSTE HOF VAN APPÈL VAN SUID-AFRIKA
BLOEMFONTEIN
APPÈLSAAKNOMMER: 20827/2014
H/H SAAKNR: EC 08/2012
In die saak tussen:
CORNELUS JOHANNES ALEXANDER LOURENS APPELLANT
en
DIE SPEAKER VAN DIE NASIONALE VERGADERING EERSTE RESPONDENT
DIE VOORSITTER VAN DIE RAAD OP PROVINSIES TWEEDE RESPONDENT
DIE MINISTER VAN KUNS EN KULTUUR DERDE RESPONDENT
DIE PAN-SUID-AFRIKAANSE TAALRAAD VIERDE RESPONDENT
APPELLANT SE HOOFDE VAN BETOOG
INLEIDING
1. Hierdie is ‘n appèl teen die uitspraak en bevel van sy edele regter B Griesel in die Wes-
Kaapse Hoë Hof, wat as Gelykheidshof gesit het, van 17 September 2014. Verlof om
te appelleer is op 10 November 2014 verleen.
2.1 Hierdie appèl fokus nie op die praktyk van die gebruik van amptelike tale in die
parlementêre proses nie.
2.2 Die appèl handel primêr oor die problematiek rondom die vertaling en publisering
van wetgewing as amptelike vertalings in al 11 amptelike tale binne ʼn redelike tyd
na aanvaarding daarvan.
2.3 Hierdie appèl handel dus oor die vraag of die huidige praktyk van die Parlement
en die Minister om nasionale wetgewing in Engels en ooreenkomstig die
willekeurige keuse van ‘n minister in sy hoedanigheid as hoof van ‘n Nasionale
Departement in een van die ander amptelike tale te publiseer onbillike
taaldiskriminasie teen ander amptelike taalsprekers en / of subartikel 6(3)(a) en
Gesamentlike Reëls 220, 221 en 222 ʼn regverdigingsgrond vir die
taaldiskriminasie daarstel om die onderskeid as billike taaldiskriminasie te kan
bevind. In die besonder, te midde van die Appellant as Afrikaanssprekende
